Ички иштер министрлиги (ИИМ) Бишкектин Свердлов райондук ички иштер башкармалыгынын тергөөчүсү кармалганын билдирди. Расмий маалыматка ылайык, ага Кылмыш-жаза кодексинин 343-беренеси – “Опузалап пара алуу” менен кылмыш иши козголгон.
30-апрелде Улуттук коопсуздук боюнча мамлекеттик комитеттин (УКМК) жана ИИМдин ички иликтөө кызматынын кызматкерлери кылмыш ишинин алкагында тергөө-ыкчам иш-чараларын жүргүзүп, тергөөчүнү акча алып жаткан жеринен кармаган.
Ушул тапта тергөө амалдары уланууда. Шектүүнүн адвокаты же жакындары комментарий бере элек.
Улуттук коопсуздук боюнча мамлекеттик комитет (УКМК) 29-апрелде эле Бишкек шаардык ички иштер башкармалыгынын Баңгизаттарды мыйзамсыз жүгүртүүгө каршы күрөшүү кызматынын эки ыкчам кызматкерин кармаган. (BTo)
Шерине