Бишкек шаардык милициясы автоунаадан 1 млн. сом уурдоого шек саналган киши колго түшкөнүн билдирди.
Кылмыш 23-февраль күнү күндүз саат экилер чамасында Гагарин менен Жунусалиев көчөлөрүнүн кесилишинде болгон. Токтоп турган "Тойота" үлгүсүндөгү унаадан 1 млн. 53 миң 500 сом салынган капчык уурдалган.
Бишкек шаардык жана Ленин райондук милициясынын ыкчам кызматкерлери тарабынан кылмышка шектүү катары 1992-жылы туулган М.Р. кармалып, Бишкектеги №1 тергөө абагына камалды.
Бишкек шаардык милициясы иликтөө иштеринин жүрүшүндө кармалган жаран башка кылмыштарга катышканы аныкталганын кабарлады.
