Хабибула Абдукадыр журналисттерди сотко берди

Журналисттик иликтөөлөрдө аты аталган кытайлык ишкер Хабибула Абдукадыр эркин журналист Болот Темировду жана Kloop басылмасын сотко берди. Көмүскөдөгү ишкер журналисттик иликтөөдө айтылган маалыматтарды төгүндөөнү талап кылып жатканы маалым болду. Былтыр “Клооп” менен журналист Темиров Бишкектеги ири “Мадина” базары жөнүндөгү иликтөөсүндө экс-депутат Турсунтай Салимовдун “Мадина” базары Хабибулла Абдукадырдын жакындарына, жанындагы жер президентке байланышы бар адамдрга катталган компанияларга өтүп кеткенин белгилешкен. Президент Жапаровдун администрациясы бул маалыматты четке кагып, “президент жана анын жакындарын каралоо” деп билдирген.