Бүгүнкү күндө расмий маалыматтар боюнча миллионго жакын кыргызстандык чет жерде миграцияда жүрүшөт. Алардын катарында окуп, иштеп жүргөн жаштар да бар. Бирок чет жердеги жакшы жашоосуна, жогорку маянасына карабай, туулуп өскөн жерине кайтып келип, жеке ишин ачкан жаштар да аз эмес. “Азаттык+” бул чыгарылышын миграцияда жүрүп билим алып, иштеп, тажрыйба топтоп, мекенинин өнүгүшүнө салым кошуп жаткан өжөрлөргө арнады.