"Азаттыктын" кабарчысы. 2015-жылы КУУнун филология факультетин, 2020-жылы КМЮАнын башкаруу жана укук факультетин аяктаган. Ч.Айтматов атындагы мамлекеттик жаштар сыйлыгынын лауреаты. "Жүрөк үнү" аттуу ыр жыйнактын автору.
Интеллигенция өкүлдөрү кыргыз элинин каада-салтында, түшүнүгүндө жок жосунсуз жоруктар, зомбулуктун түрлөрү жайылып жатканына көңүл буруп, өкмөткө бир катар сунуштарды беришти.
Бир апта мурун “Манас” улуттук академиясынын жетекчиси Талантаалы Бакчиев ээлеген кызматынан бошотулган. Ага чейин бул академияны жоюу өтүнүчү менен белгилүү окумуштуулардын жоон тобу мамлекет башчысына жана Министрлер кабинетине кат жолдогону маалым болду.
Муса Жангазиев атындагы мамлекеттик куурчак театрында балдар үчүн “Эр Төштүк” спектакли коюлду. Чыгарма жаш көрүүчүлөргө баатыр Төштүктүн баштан өткөргөн сыноолорун көрсөтүп, жер астындагы түрдүү каармандар менен тааныштырат.
Тарыхчы, окумуштуу Кыяс Молдокасымов "Азаттыкка" ат жалында маек куруп, жакын арада Кытайга болгон илимий сапары, ал жактан табылган кыргыздарга тиешелүү архивдик документтер жана алдыда тарых жаатында жасала турган иштер жөнүндө кеп курду.
Бишкекте СССРдин эл артисти, Кыргыз эл сүрөтчүсү Сүймөнкул Чокморовдун жаңы эстелигинин ачылышы өттү. Атактуу актердун айкели “Ала-Тоо” кинотеатрынын чыгыш тарабына орнотулду.
Бишкекте "Балким бир күн сурармын" аттуу документалдык тасманын жабык көрсөтүүсү болуп өттү. Тасмада аутизми бар 16 жаштагы Урмат Ибраим уулунун өзгөчө жашоосу, таланты жана жакын адамдарынын ага болгон сүйүүсү менен мамилеси баяндалган.
74 жашында акка моюн сунган Эл жазуучусу Самсак Станалиевди акыркы сапарга узатышты. Кара сөз менен ырды, публицистика менен котормочулукту эриш-аркак ала жүргөн көп кырдуу талант, мээнеткеч жазуучу соңку кезде ооруп жүргөн.
10-июнда Бишкектеги Кыргыз-түрк достугу ооруканасында боорду алмаштыруу операциясы ийгиликтүү өткөнүн Саламаттык сактоо министрлиги билдирди. Бейтаптын да, донордун да абалы туруктуу. Тогуз саатка созулган операцияга жергиликтүү жана түркиялык дарыгерлер катышкан.
“Кыял кемеси”, “Сүйүүңдү сүртүп кеттиң жүрөгүмө”, “Көкүрөгүң жыттап алдым билгизбей”, “Селсаяк” баштаган бир нече лирикалык китептердин жана аңгемелер топтомунун автору, калемгер Бурулкан Карагулова менен маек.
Кыргызстандык пианист жана кинорежиссер Эмил Атагелдиев рак дартына чалдыгып, тез арада чет жактан дарыланууга муктаж болуп турат. Анын саламаттыгы жөнүндө айтып чыккан кесиптештери коомчулуктан жана бийликтен каржылык жардам сурады. Өнөр адамына болжол менен 50 миң доллардай каражат керек экени айтылды.
Ысык-Көлдүн Жыргалаң аймагында кум-шагыл казып жаткан учурда мамонттун сөөгү табылганы кабарланды. Ал жерге археологдор барып казуу иштерин жүргүзүп, эки башка жерден мамонттун тиши жана астыңкы жаак сыныктары табылганын айтып жатат.
Алыкул Осмоновдун котормосундагы грузин акыны Шота Руставелинин “Жолборс терисин кийген баатыр” поэмасы 10-ирет басылып чыкты. Жыйнак Алыкул Осмоновдун 110 жылдыгына, котормонун 85 жылдыгына арналып, бет ачары Грузиянын эгемендик күнүн утурлай, 25-майда Бишкекте өттү.
Белгилүү акын, “Азаттыктын” журналисти Бурулкан Сарыгулованын Бишкекте адабий-чыгармачыл кечеси болуп өттү. Саамалыкта акындын үч китебинин бет ачары болду. “Мендеги мезгил”, “Уютку кеп”, түрк тилиндеги “Жолдогу ойлор” китептери окурман журтуна сунушталды.
Кыргызстанда көзү ачык, бүбү-бакшыларды жарнамалоого тыюу салган мыйзам долбоору экинчи окуудан өттү. Коңшу Тажикстанда бал ачуу менен алектенген 50 адам кармалды.
Тилчи-түрколог Четин Жумагулов 87 жашында дүйнө салды. Анын илимий ишинин негизги багыты Кыргызстандагы эпиграфикалык эстеликтерди изилдөө болгон.
Эки жыл мурда кыргыз-тажик чек арасындагы куралдуу жаңжалда каза тапкан жоокер Жеңишбек Иманбек уулунун тагдырына арналган "Ыйык жандар" спектакли борбордо биринчи жолу көрүүчүлөргө тартууланды. Аны Апаз Жайнаков атындагы Баткен облустук музыкалык-драма театры койду.
Кыргызстанда 28 миңден ашуун чет өлкөлүк студент билим алат. Алардын басымдуусу медицина багытында билим алуу үчүн Индия жана Пакистандан келгендер. Алардын 5 миңге жакыны Бишкектеги Эл аралык Жогорку Медициналык мектебинде окуйт. Учурда окуу жай коопсуздуктан улам онлайн окутууга өттү.
Фейсбукта “Матисаков мектеби” аттуу баракча бир жылдан бери адабияттын проза жанрына кызыккан, жазмалыкка шыгы бар жаш авторлордун аңгемесин байма-бай жарыялап келе жатат. Ага чыккан айрым аңгемелер соцтармактагы окурмандардын кызыгуусун жаратып, жакшы пикирлер жазылууда.
Бишкекте таанымал акын, журналист жана публицист Жолдошбек Зарлыкбековду замандаштары эскеришти. Акын өзүнө чыгармачыл талапты бийик койгон, поэзияда өз чыйыры бар талант экенин айтышты. Жолдошбеков көзү тирүүсүндө бир да ыр китебин чыгарууга үлгүргөн эмес.
Сузактагы үрөй учурган кырсыктан кийин социалдык тармактарда "Манас" эпосун жаш муунга кантип жайылтуу керектиги тууралуу талкуу күчөдү.
Дагы жүктөңүз
