"Азаттыктын" журналисти. Касым Тыныстанов атындагы Ысык-Көл мамлекеттик университетинин журналистика бөлүмүн аяктаган.
Чет өлкөлүк жарандарга Ысык-Көлдүн аймагынан мүлк сатып алууга уруксат берген мыйзам долбоорун Жогорку Кеңеш экинчи окууда кабыл алды.
Казакстанда 2022-жылы январда кыргызстандык музыкант Викрам Рузахунов кыйноого кабылган окуяга байланыштуу Алматы шаарынын Полиция департаментинин башчысынын мурдагы орун басары Берик Абилбеков кармалды. Бул иш боюнча буга чейин төрт полиция кызмактери кармалган.
Алматы шаарынын полиция департаментинин башчысынын мурдагы орун басары Берик Абилбеков кыргызстандык музыкант Викрам Рузахунов кыйноого кабылган окуяга байланыштуу кармалды. Бул иш боюнча бешинчи полиция кызматкери кармалды.
Акыркы коңгуроого жакын Кыргызстанда окуучулар катышкан эки жол кырсыгы катталды. Билим берүү министрлиги жыл сайын ушул маалда оюн-зоок кечелерине тыюу салганына карабай, бүтүрүүчүлөр катышкан ар кандай кырсыктар болуп келет.
Иранда 5 күн аза күтүү жарыяланды. Президент Эбрахим Раиси жана аны менен чогуу бараткандар - тышкы иштер министри Хусейн Амир-Абдол Лахиян тик учак кырсыгында набыт болгону расмий кабарланды.
Кыргыз өкмөтү сунуштаган уран жана торий кендерин казууга уруксат берген мыйзам долбоору Жогорку Кеңешке түштү. Буга чейин президент Садыр Жапаров Кызыл-Омпол кенин мамлекет өзү иштетүүнү пландап жатканын айткан.
Кыргыз өкмөтү сунуштаган уран жана торий кендерине геологиялык изилдөө иштерин жүргүзүүгө жана иштетүүгө уруксат берген мыйзам долбоору парламентке келди. Февралдын соңунда президент Жапаров Ысык-Көлдөгү жолугушууда Кызыл-Омпол кенин мамлекет өзү иштетүүнү пландап жатканын айткан эле.
"Массалык башаламандыкка чакырууга" шектелип камалган акын жана активист Аскат Жетигендин иши сотко өткөрүлдү. Бул иш боюнча алгачкы отурум 14-майда Бишкектин Свердлов райондук сотунда болду.
14-майда Аламүдүн райондук соту жазуучу жана акын Олжобай Шакирди “Массалык башаламандыктар” беренеси менен күнөөлүү деп таап, беш жылга эркинен ажыратты. Тогуз айга чукул тергөө абагында отурган Шакир өзүнө тагылган айыпты мойнуна алган эмес.
Беш айдан бери Бишкектеги №1 тергөө абагында отурган журналист, "Temirov Live" жана "Айт айт десе" долбоорлорунун директору Махабат Тажибек кызы абакта сабалганы тууралуу сүрөттөр жарыяланды. Жаза аткаруу кызматы ага кызматкерлер кол көтөрдү деген маалыматты четке кагууда.
Кемпир-Абад иши боюнча айыпталып, камакта отургандар Жаза аткаруу кызматкерлери басым кылып жатканын айтып Кыйноолорго каршы борборго, укук коргоочуларга жана жалпыга маалымдоо каражаттарына кайрылды. Алар сотко күч менен алынып келген учурлар бар экенин билдирип жатышат.
Бишкекте 9-майдын урматына Жеңиш аянтында майрамдык иш-чара өттү. Шаар тургундары "Өчпөс отко" гүл коюп, согушта курман болгондорду эскеришти. Быйыл жыл сайын адатка айланган "Өлбөс полк" жүрүшү болгон жок. Ага карабай айрым тургундар чоң аталарынын сүрөттөрүн көтөрүп чыгышты.
Кыргызстанда Конституциянын кабыл алынганына 31 жыл болду. Өлкө эгемендик алгандан бери Конституция ондон ашык жолу өзгөртүлүп, акыркысында президенттик башкарууга кайткан. Адам укугу, сөз эркиндиги боюнча Конституциянын талаптары аткарылбай жатат деген сын бар. Бийлик муну четке кагып келет.
Борбордук шайлоо комиссиясы (БШК) тергөө абагынан чыккан депутат Адахан Мадумаровдун иши боюнча Бишкек шаарынын Биринчи май райондук сотунун ѳкүмүн 26-апрелде талкуулап, Мадумаровду мандатынан ажыратты.
Өлкөдө көк жөтөл күч алып, ага чалдыккандардын саны соңку төрт айда миңден ашты. Жугуштуу ооруга чалдыккандардын көбү эки жашка чейинки балдар.
Кемпир-Абад ишине байланыштуу камакта жаткандардын жакындары сотту ачык өткөрүү талабы менен 24-апрелде акция өткөрүштү. Биринчи Май райондук сотунун алдына чогулгандар камакта жаткандарга кысым жасалып, айрым мыйзамдар бузулуп жатканын белгилешти.
Борбордук шайлоо комиссиясы 23-апрелде Жогорку Кеңештин депутаты Жусупбек Коргонбай уулунун мандатын тапшыруу боюнча арызын карап, анын ыйгарым укуктарын токтотту. Айрым саясат талдоочулар экс-депутаттын соңку билдирүүлөрү анын мандат тапшыруусуна себеп болушу ыктымалдыгын айтып жатышат.
Балыкчыдагы аскер бөлүгүндө кызмат өтөп жүргөн жоокер таяк жеп ооруканага оор абалда түштү. Аскер прокуратурасы буга байланыштуу кылмыш ишин козгоп, аскер кызматкерин камакка алды.
Кыргызстанда ТикТок социалдык тармагынын бөгөттөлүшү орто жана чакан бизнеске терс таасир эткени айтыла баштады.
Монополияга каршы кызмат "Интелмед" жоопкерчилиги чектелген коомуна (Бонецкий лабораториясы" 423 млн сом айып салды. Буга лаборатория COVID-19 пандемиясында ПЧР-анализдин баасын көтөргөнү негиз болгону айтылды. Лаборатория аталган мекемени мыйзам бузууга айыптап, сотко арызданарын билдирди.
Дагы жүктөңүз
