Президент Садыр Жапаров Бахрейнге расмий сапарынын алкагында аталган өлкөнүн падышасы Хамад бин Иса Аль Халифа менен жолугушту.
Бул тууралуу президенттин маалымат кызматынан кабарлашты. Жолугушуунун жүрүшүндө кыргыз-бахрейн мамилесин өнүктүрүү боюнча сүйлөшүү болду.
Тараптар соода-экономикалык, инвестициялык, маданий-гуманитардык жана башка чөйрөлөрдө кызматташууну тереңдетүү маселесин талкуулады. Биргелешкен долбоорлорду ишке ашыруунун маанисин белгилешти.
Бехрейнге расмий сапар менен 21-апрелде барган Жапаров жолугушууда Хамад бин Иса Аль Халифаны Кыргызстанга чакырды.
Бул Перс булуңунда жайгашкан өлкөгө Кыргызстандын эгемен тарыхында кыргыз президентинин алгачкы сапары.