Жогорку Кеңештин мурдагы депутаты Гүлшаркан Култаева Борбордук шайлоо комиссиясынын мүчөсү болуп шайланды. Анын талапкерлигин парламент 19-февралдагы жыйында бир добуштан колдоп берди.
Култаева бир күн мурун өз арызы менен мандатын тапшырган. Анын ордуна “Ата-Журт Кыргызстан” партиясынан талапкер Гүлсүнкан Жунушалиева депутат болду.
Борбордук шайлоо комиссиясынын 10-февралдагы жыйынында төрайым Нуржан Шайлдабекова өз ыктыяры менен кызматын тапшырган. Анын ордуна БШКнын мүчөсү Тынчтык Шайназаров шайланган.
2021-жылы шайланган 7-чакырылыштагы парламентте жыйырмадан ашык депутат ар кандай себептер менен мандатын тапшырды. (TSh)