Президент Садыр Жапаров кыргыз тил мыйзамы тууралуу Орусиянын тышкы иштер министри Сергей Лавровдун сынына жооп кайтарды. Ал мыйзам кыргыз тилин толук өздөштүрүү максатын көздөй турганын, орус тилин "дискриминация" кылбастыгын белгиледи. Москва бүгүн таңда жасалган дрон чабуулу үчүн украин аскерлерин айыптады. Бул май айынан бери Орусиянын баш калаасына дрондор менен жасалып жаткан үчүнчү чабуул. Мурдагы жаратылыш ресурстары, экология жана техникалык көзөмөл министри Динара Кутманованын уулу ушул тапта департациялоо борборунда экенин, жакын арада Кыргызстанга жөнөтүлөрүн Стамбулдагы башкы консулдук билдирди. Буга чейин Кутманова уулун Түркиядан белгисиз бирөөлөр кармап кетип, акча талап кылганын айтып чыккан.